O webinar «Xestión de residuos farmacéuticos en efluentes hospitalarios: retos, impactos en ecosistemas acuáticos e tecnoloxías de tratamento» terá lugar o vindeiro 17 de xuño de 2026, en formato online, de 10:00 h a 13:30 h (horario GMT+2 Bruxelas, Madrid), organizado no marco da Rede NOR-WATER e do proxecto BlueWWater, en colaboración coas Plataformas PT PROTECMA, Plataforma Tecnolóxica Española da Auga (PTEA) e SENTIATECH.
O obxectivo deste webinar é abordar de maneira integral a xestión dos efluentes hospitalarios desde unha perspectiva científica e tecnolóxica, identificando os seus riscos e impactos no medio acuático e analizando solucións innovadoras e tratamentos que contribúan a unha xestión máis segura e sostible destes efluentes.
O evento reunirá expertos, empresas, centros tecnolóxicos e entidades públicas para intercambiar experiencias e xerar sinerxías que permitan promover novas oportunidades de colaboración público-privada.
Obxectivos:
- Caracterizar os efluentes hospitalarios.
- Avaliar os riscos e impactos no medio e nos organismos acuáticos.
- Analizar solucións e tecnoloxías de tratamento para este tipo de efluentes.
- Identificar retos, lagoas de coñecemento e desafíos de investigación.
Inscrición de participantes: https://cetmar.org/seminarios/gestion-residuos-farmacos-efluentes-hospitalarios/
Programa da conferencia: dispoñible proximamente.