Interlab

Ejercicio Interlaboratorio del Proyecto BlueWWater

O exercicio interlaboratorio BlueWWater, é unha iniciativa cuxo obxectivo é servir de ferramenta para avaliar e validar os métodos analíticos utilizados polos laboratorios para detectar contaminantes emerxentes en augas residuais e superficiais. Está deseñado para axudar aos participantes a mellorar as súas técnicas, identificar áreas de mellora e reforzar a confianza nos resultados obtidos.

Obxectivo do exercicio

Realizado conforme ás directrices da norma ISO 13528:2022 e do Protocolo internacional harmonizado para as probas de aptitude dos laboratorios de química analítica da IUPAC, o exercicio ten como obxectivo a determinación de certas substancias farmacéuticas e cosméticas en augas residuais e do medio receptor. Estas substancias, incluso en concentracións moi baixas, poden representar un risco para o medio ambiente e a saúde pública. A través deste exercicio, buscamos proporcionar aos laboratorios as ferramentas necesarias para cumprir cos novos requisitos establecidos pola Directiva sobre o tratamento de augas residuais urbanas (DARU).

Compostos

Substancias do Anexo I, Parte C, Cadro 3 da DARU

Categoría 1 (substancias que poden tratarse con moita facilidade)

• Amisulprid
• Carbamazepina
• Citalopram
• Claritromicina
• Diclofenaco
• Hidroclorotiazida
• Metoprolol
• Venlafaxina

Categoría 2 (substancias que poden eliminarse con facilidade)

• Benzotriazol
• Candesartán
• Irbesartán
• Mestura de 4-metilbenzotriazol e 5-metil-benzotriazol

Matrices

• Augas procedentes de estación depuradora de auga residual (EDAR): influente e efluente
• Augas superficiais procedentes do medio receptor: auga fluvial

Datas

• Envío de mostras aos participantes: xulio de 2025
• Período de análise das mostras: de xuño a novembro de 2025
• Informes cos resultados da participación: xuño 2026

Participación e requisitos

No exercicio participaron 12 laboratorios procedentes de España e Portugal que reportaron resultados para os 12 compostos nas tres matrices.

Resultados

• Protocolo do exercicio: Este protocolo ten como obxectivo presentar a sistemática establecida por INTECMAR, como organizador do exercicio, para o correcto desenvolvemento do ensaio de aptitude entre os laboratorios participantes.
• Protocolo de homoxeneidade e estabilidade de mostras: este protocolo describe o deseño estatístico e os métodos seguidos para a determinación da homoxeneidade suficiente e da estabilidade das mostras do ensaio de aptitude durante o desenvolvemento deste.
• Protocolo para os participantes: instrucións enviadas aos laboratorios participantes no exercicio.

Proximamente publicarase o informe de resultados do exercicio.

Contacto

Para solicitar máis información pode contactar con interlaboratorio@intecmar.gal

Descargar Folleto